Կետադրական աշխատանք
Ղազարոս Աղայանը հայ հայտնի գրող է, մանկավարժ, հրապարակախոս։ Գրել է մանկավարժական–մեթոդական բազմաթիվ աշխատություններ։ Առանձնակի կարևորություն ունեն նրա «Ուսումն մայրենի լեզվի» վերնագրով դասագրքերը, որոնցից առաջինը շուրջ 40 տարի (1875-1916) եղել է ամենատարածված այբբենարանը հայկական դպրոցներում։ 1869 թվականի մայիսից ստանձնելով «Արարատ հանդեսի» խմբագրի պաշտոնը` առաջին իսկ համարում զետեղում է «Մի քանի խոսք մեր սիրելի ազգակիցներին» առաջնորդող հոդվածը` նվիրված աշխատանքի գովքին։ Օգտագործել է Ա. Ղ., Աղ., Թոմաս Հաբաշ, Ղ. Ղ. Ա., Վիգեն Փրեյդում, Փրեյդուն ծածկանունները։
Ղազարոս Աղայանը Վերնատան անդամ էր։ Վերնատան մշտական անդամները շաբաթը մեկ-երկու անգամ հավաքվում էին Հովհաննես Թումանյանի տանը` իրար տեսնելու, զրույց անելու։ Այս հանդիպումների ընթացքում մեծ գրողները ընթերցում ու քննարկում էին համաշխարհային գրականության դասական և նոր հեղինակների գործերը, ինչպես նաև իրենց գործերն էին ներկայացնում ընդհանուր քննադատման։